فى أوضه ضلمه... فيها ناس كتير... ناس مستنيه... وناس بتدور عليا... وناس بتشد فيا... ودكتور رخم بيخبط عليا.
صدر أُم بأشفُط لبنها لحد ما أكتفيت...إيد تشيل... إيد تهشك...إيد ترُج... إيد تهد... إيد بالفلوس تمد.
الفشار والحلاوة وعلب كتير للجيران... أسمع كلام أبوك وأسمع كلام المدام... هون يدق فى الودان... ملح يغرق المكان.
شنطة
فيها قلم رصاص... طريق وحيد للكٌراس... رصاص خايب أستيكه تمسحُه... تسألها
تقولك بأصلحُه... رسومات كتير ملهاش باب... ما أنا طفل أصلا" وبحب الشُباك.
أول يوم مدرسة... ارمى الرصاص وخلى الجاف يدهسك... وبرضُه أستيكة رخمه تخلى الجاف يجف... مجموعه بــ 12 جنيه و40 قرش.
شقاوة على أى حد... هدايا ملهاش حد...فلوس يوم جمعه ويوم حد... فى الأتارى بألعب لنفسى وممكن ألعب لحد... ولحد بنت الجيران حد.
مشروع كبير يفيد الناس... بيوت كتير لأجلُه تنداس... وكل اللى فى طفولتك مطلوب تنساه.
بيت
جديد فى دور عالى... كان لازم أعرف أن ربنا بينادى... سبت ينزل فاضى...
يتحط فيه السفن وأنا رافع... لمباادا بالشيكولاته... لبن بالشيكولاته...
عمرى ما حبيت الشفاطه.
خد
يابنى هات ورقة معسل... فتحت الباب روحها طلعت وفضلت هى لأجل
تتغسل...حد يشوفها لتكون بتمثل؟... غمضوا عنيها وطفوا النور من غير تحية
الجمهور.
ليست هناك تعليقات:
إرسال تعليق